Friday, September 10, 2010

ஜெனிஷா

கிராமத்துக்குச் செல்லும் நாட்கள்

தவிர்த்து வேறு பொழுதுகளில்

ஆற்றில் குளிப்பதில்லை...

கரைகளில் அவிழ்த்து வைக்கும்

துணிகளோடு இறங்கிவிடும்

குழந்தை பிராயத்து நினைவுகள்...

மெதுவாய் கால் நனைத்து,

ஆழம் பார்த்து, கால் பதித்து,

தலை மூழ்கும் பொழுதுகளில்

கேட்கிறது எங்கோ

இறந்து போனவனின்

அச்சுறுத்தும் இறுதி மூச்சு...

அனுஜன்யா

திடீரென நிகழ்ந்துவிடும்

பிரிவுகள் புரிவதில்லை...

கனவுகளை குற்றமென்று

சபித்துச் சென்றவனின்

அகங்காரங்களை தின்று செறித்து

கொஞ்சமாய் மிச்சமிருந்தது

புரிந்து கொள்ள முடியாத

கவிதையொன்று....

Sunday, April 11, 2010

நதியா

கரைகளில் நின்றவாறு
கல்லெறியும் மனிதர்களின்
விரல்களை நனைப்பதில்லை
நதிகள்...

Saturday, March 27, 2010

தாகவி

அனுபவங்களைத்தவிர
நிரந்தரமாய்
உறவுகளென்று
எதுவுமில்லை!!!

Friday, March 19, 2010

ஜோஷிதா

புன்னகை
கண்ணீர்
மகிழ்ச்சி
துக்கம்
வெற்றி
தோல்வி
அனைத்திற்கும்
தகுதியிருக்கிறது
மனிதர்களாகவே இருப்பதால்...

Thursday, March 18, 2010

ஊர்ஷிதா

நம்பிக்கைகளில்
கலந்துவிடும்
நச்சுக்களை
எளிதில் பிரிக்க முடிவதில்லை...
அது நானென்றாலும் இல்லை
நீயென்றாலும்...

Saturday, March 6, 2010

நர்த்தகி

உனக்கும்
எனக்கும் அகத்தில்
இருக்கிறது
அகந்தை.

Monday, February 1, 2010

நந்திதா

இருள் படர்ந்த
காடுகளின் ஒற்றைப் பாதையில்
பயணிக்கிறது!
சுற்றிலும் காட்டு
மிருகங்களின் குரல்...
மரங்களின் ஊடே
வீசும் காற்றின் சப்தங்களை கடந்து...
கவலைகள் ஏதுமின்றி
நடக்கிறது சப்தமாக
இலக்கு நோக்கி...
நடந்துவந்த பாதைகளில்
பாவங்களின் சுவடுகள்
உதிரத் துளிகளாய்...
திரும்பி பாராமலே
கீழ் திசை நோக்கி நீள்கிறது
ஒளியைத் தேடி...
இன்னும் சில அடித் தொலைவிலிருக்கிறது
மெல்லிய வெளிச்சமாய்
கட்டற்ற சுதந்திரம்...