Sunday, March 29, 2009

ஸ்ரவந்தி

என் மீதான
நம்பிக்கையும்
உன் மீதான காதலும்
பேச்சொலிகள்
மௌனிக்கும்
நூலகங்களில்
சந்திக்க செய்கிறது!

மின்விசிறியை
முறைத்துவிட்டு
இடது காதோரம் புரளும்
தலைமுடியை சரி செய்கிறாய்
வலது காதோரம்
ஜிமிக்கி ஆடுகிறது!

உன் இடையைவிடசற்றே
பெரிதான புத்தகமொன்றை
வாசித்துக் கொண்டிருக்கிறேன்
இல்லை...வாசிப்பதுபோல்
பாவனை செய்கிறேன்!

இமைகளை படபடவென
மூடித்திறந்து வார்த்தைகளின்றி
கூப்பிடுகிறாய்...யாரோ
உரத்தக்குரலில்
சப்தமிடுகிறார்.."கூச்சல் போடாதீர் என்று"

எப்பொழுதும்
பெண்கள்
இப்படித்தான்
பேசுவார்களோ...

வசிப்பதற்காக
வந்தவர்கள்
வாசிப்பது போலவே
இருக்கிறார்கள்...

ஒரே மேஜையில்
எதிரெதிரே அமர்ந்த நாமும்
வாசித்துக் கொண்டிருக்கிறோம்
ஒருவரையொருவர்...

1 comment:

  1. அட்டகாசம்!

    //உன் இடையைவிடசற்றே
    பெரிதான புத்தகமொன்றை
    வாசித்துக் கொண்டிருக்கிறேன்
    இல்லை...வாசிப்பதுபோல்
    பாவனை செய்கிறேன்!

    இமைகளை படபடவென
    மூடித்திறந்து வார்த்தைகளின்றி
    கூப்பிடுகிறாய்...யாரோ
    உரத்தக்குரலில்
    சப்தமிடுகிறார்.."கூச்சல் போடாதீர் என்று"

    எப்பொழுதும்
    பெண்கள்
    இப்படித்தான்
    பேசுவார்களோ...

    வசிப்பதற்காக
    வந்தவர்கள்
    வாசிப்பது போலவே
    இருக்கிறார்கள்...

    ஒரே மேஜையில்
    எதிரெதிரே அமர்ந்த நாமும்
    வாசித்துக் கொண்டிருக்கிறோம்
    ஒருவரையொருவர்...
    //

    மீண்டும் மீண்டும் படித்துக் கொண்டிருக்கிறேன் இந்த வரிகளை.

    -ப்ரியமுடன்
    சேரல்

    ReplyDelete